Dening : Hudabrah_Cakebasen

Nopo niki  kang sinebut Islam Kejawen, yakni Islam kang den pengaruhi atawa kecampuran  kelawan tradisi lan kebudayaan Jawa. Ndeyan  uga, kiye salah siji  bukti menawa Islam organis. Islam kang terus urip, thukul Nang  kalangan masyarakat Jawa.

Shalat kuwe tiang agama Islam lan kunci penting kanggo  kaben kesaenann, sabda Muhammad Rasulullah Saw kados dipun riwayataken dening Thabrani (HR Thabrani). Mituturi, akeh kyai ngendika, shalat yakuwe amalan manungsa kang dihisab ndisit dewek mbesuk teng ngalam akhir.

Shalat, sering diwsa sholat utawane “salat” ing bahasa Jawa sembahyang. Ana kang ngendika, sembahyang wes kecampuran ajaran pra-Islam, khususe agama Hindu. Alasane sembahyang yakuwe singkatan nyembah Hyang, kang mujudaken sebutan para dewa Hindu.

Tiyang Jawa tradisional, biasa nyebut Alloh kanthi asma Gusti Alloh, ya Pangeran, ya Gusti Kang Maha Kuwasa, Maha Welas Asih, Hyang Suksma lan Hyang Widhi. Ing  agama Hindu, Tuhan dipun sebut Hyang Widhiwasa.

Keranten asma asma niku gaweyan manungsa, sesuai kalih  bahasa lan lingkungan sosial-budaya dewek dewek, ana anggapan nek nyebut kang beda-beda kuwe  ora dadi masalah. Dadi, istilah sembahyang bisa ditamoa kanthi legawa. Tujuane  pada, kilah orang Jawa, kang dicritakaken dening  Clifford Geertz dikategorikaken minangka Muslim minimal utawa Abangan.

Akeh wong Jawa kang tertarik manjing agama Islam, merga anane  kepercayaan dateng kang gaib. (QS 2:3). Tradisi lan kepercayaan pra-Islam akeh  den hubungaken kelawan  kang gaib, kayadene kesaktian, zimat, kemampuan meramal, tenung, ilmu pelet lan kemampuan ngaweruhi makhluk bangsa alus.

Ing sajerone lewih merekaken diri pribadi secara bathin kelawan Gusti Alloh, akeh  penganut Islam ing Jawa kang ngamalaken "papat sembah” kang sinebut Serat Wedhatama, karya Mangkunegara IV. Papat sembah yakuwe sembah raga, sembah cipta/kalbu, sembah jiwa/suksma lan sembah rasa. Ana anggepan nek Patang  sembah kuwe mau ngadopsi patang urutan ing sakjerone sinau tasawuf, yakni Syariat, tarekat (thariqat), makrifat lan hakekat (ana kang menyebut hakekat dulu, nembe  makrifat).

Syariat,  sering diucapaken Sarengat, artine aturan agama babagan prentah lan larangan kang kudu dilakoni. Dasare yakuwe  percaya anane Gusti Alloh  Ta'ala, ora perlu Takon apa kiye apa kuwe. Tarekat (thariqat), artine  Dalan utawa pituduh kang menehi pengerten anane akal-pikiran, kahingga kapitayane aring Gusti Alloh lewih kuwat, ora melu-melu thok. Ing agama Islam ana dalil naqli, yakni Alquran lan Hadits, lan aqli utawa akal-pikiran.

Hakikat (haqiqat), wong Jawa nyebutr “kakekat”, artine“weruh kang sejati” (tahu yang sejati). Makrifat artine kemampuan kanggo ngaweruhi kang gaib minangka tataran paling duwur ing Babagan  tasawuf. Keranten niku, akeh wong kepingin “ujug-ujug” , langsung secepete nempuh dalan Makrifat, tanpa nglakokaken Syariat disit.

Padahal, Wedhatama pinangka buku “piwulang” (ajaran) kanggo mencapai “ngelmu kasampurnan” (ilmu kesempurnaan) nganjuraken  papat sembah niku kudu dilakokaken awan bengi.

Sembah raga dipadakaken kelawan sholat lima waktu sesuai kaliyan syariat Islam. Niki kangge pemula supaya bisa tekan  ilmu kang lewih duwur maning. Pokok tujuane yakuwe maksa utawsne  nglelatihbiasakana diri ksnggo “meneng hening”. Tata lakune serba tertib, teratur lan tekun.

Kanggo nglakoni  sembah raga, wong kudu “suci” kelawan air (wudhu). Hasil sembah raga yakuwe nggawe awak dewek  sehat wal’afiat lan bisa aweh sikap tenang. Wong kang  badane sehat lan ora berpenyakitan, sehat uga pikirane, kahingga inderane dadi tenang lan siap kanggo nglakoni sembah kelorone, yakuwr sembah kalbu/cipta.

Para kyai nyaranaken para santri lan muride kanggo  sinau tasawuf diwiwiti kanthi sholat Syariat: “Contone Nabi Muhammad, ora pernah tinggal sholat”.

 [Hudabrah_Cajebasen]

Antara Romandona apa Romadhoni

ANTAWIS ROMADLONI NAPA  ROMADLONA

Tembung ROMADLON kalebet  Isim Ghairu Munshorif (keranten isim alam lan tambahan alif lan nun), ingkang mbok menawi  dalan kondisi i'rob Jer mangka alamatipun  ngginakaken FATHAH dadosipun (ROMADLONA), nanging mbok bilih  isim kasebat   dipun sandarken dateng lafadz saksampunipun (diidlofahaken) utawi kepanjingan  Alif-Lam (AL) mangka tanda i'rob Jeripun ngginakaken  KASROH dadosipun  ROMADHONI (NI) sanes (NA).

Imam Ibnu Malik ing  bait alfiyahipun ngendika :

وَجُرَّ بِالْفَتْحَةِ مَا لاَ يَنْصَرِفْ * مَا لَمْ يُضَفْ أَوْ يَكُ بَعْدَ أَلْ رَدِف

Lan dipun jeraken kelawan FATHAH ing ngatase isim ingkang mboten nampi tanwin (Isin Ghairu Munshorif), selami mboten  dipun mudhofaken utawi manggih saksampunipun  AL ingkang ngetutmbureni.

Dados redaksi niat siyam  Romadlon ingkang leres njih menika  :

نَوَيْتُ صَوْمَ غَدٍ عَنْ أَدَاءِ فَرْضِ شَهْرِ رَمَضَانِ هَذِهِ السَّنَةِ فرضا لِلّه تَعَالَى

NAWAITU SHOUMA GHODIN ‘AN ADAA-I FARDHI SYAHRI ROMADHOONI HADHIHIS-SANATI LILLAAHI TA’ALA.

Ingkng menawi  dipun tarjamahaken  mekaten : aku niat puasa ngenjang Enjang  kangge nglaksakaken  kewajiban wulan Romadlon ing ndalem  tahun niki, keranten  Allah Ta'ala.

Nah, ing lebet  redaksi niat nginggil menika, mbok bilih lafadz Romadlon dipun Waos  Fathah (ROMADLONA) sanes (Ni) kelawan mboten mengidlofahaken dateng lafadz seksampunipun  nun inggih lafadz (HADZIHIS SANATI) mangka lafadz (HADZIHIS SANATI) secara ilmu nahwu (gramatika bahasa arab) kedahipun dados Dhorof, ingkang Kedah dipun Waos  HADZIHIS SANATA (TA) sanes (TI), keranten status i’robioun nun inggih  Nashob, jshingga redaksi niatipun Dados mekaten  :

نَوَيْتُ صَوْمَ غَدٍ عَنْ أَدَاءِ فَرْضِ شَهْرِ رَمَضَانَ هَذِهِ السَّنَةَ  لِلّه تَعَالَى
NAWAITU SHOUMA GHODIN ‘AN ADAA-I: FARDHI SYAHRI ROMADHOONA HADHIHIS-SANATA FARDLON LILLAAHI TA’ALA.

Mangka bilih  redaksinipun kadosta Wonten nginghil kalawau,  secara bahasa arab dados Wonten  perubahan makna, kados mekaten  :

(Aku niat puasa  ngenjang enjang, kangge nglaksakaken kewajiban wulan Romadlon, selami setahun niki).

Kenginv napa mekaten  ?
Keranten lafadz HADZIHIS SANATA statusipun minangka  Dhorof ingkang nuduhaken  wakdal ingkang  dipun laksanakaken pinangka  pedamelan  ingkang sak lebetipun hal ikhwal menika pedamelan nuninghih niat kangge puasa, padahal niat namung mbetahaken wakdal pinten punten detik, mekaten ugi  puasa namung mbetshaken pinten puntenn jam mboten dugi satunggal tahun.
Kahingga mbok bilih niat puasa ngginakaken redaksi ingkang kados menika kalawau  ROMADLONA (NA) lan HADZIHIS SANATA (TA), mangka redaksi ingkang dereng trep.

Kamangka menikalah redaksi niat ingkang leres kadosta ingkang sampun dipun sturaken Wonten nginggil  :

نَوَيْتُ صَوْمَ غَدٍ عَنْ أَدَاءِ فَرْضِ شَهْرِ رَمَضَانِ هَذِهِ السَّنَةِ فرضا لِلّه تَعَالَى

NAWAITU SHOUMA GHODIN ‘AN ADAA-I FARDHI SYAHRI ROMADHOONI HADHIHIS-SANATI FARDLON LILLAAHI TA’ALA.

Ing ndalem Kitab I’anatu at-Tholibin, juz 2/253, dipun jlentrehaken :

يُقْرَأُ رَمَضَانِ بِالْجَرِّ بِالْكَسْرَةِ لِكَوْنِهِ مُضَافًا إِلَى مَا بَعْدَهُ وَهُوَ إِسْمُ اْلإِشَارَة

Romadloni (ni) dipun Waos  jer kanthi KASROH keranten  statusipun dados Mudlof dateng Tembung saksampunipun nun injjih isim isyaroh.

Kitab I'anah Thalibin

(قوله: نويت إلـخ) خبر عن أكملها: أي أكملها هذا اللفظ. (قوله: صوم غد) هو الـيوم الذي يـلـي اللـيـلة التـي نوى فـيها. (قوله: عن أداء فرض رمضان) قال فـي النهاية: يغنـي عن ذكر الأداء أن يقول عن هذا الرمضان. اهــــ. (قوله: بـالـجرّ لإِضافته لـما بعده) أي يقرأ رمضان بـالـجرّ بـالكسرة، لكونه مضافاً إلـى ما بعده، وهو اسم الإِشارة. قال فـي التـحفة: واحتـيج لإِضافة رمضان إلـى ما بعده لأن قطعه عنها يصير هذه السنة مـحتـملاً لكونه ظرفاً لنويت، فلا يبقـى له معنى، فتأمله، فإنه مـما يخفـى. اهــــ. ووجهه: أن النـية زمنها يسير، فلا معنى لـجعل هذه السنة ظرفاً لها. (قوله: هذه السنة) .(إن قلت) : إن ذكر الأداء يغنـي عنه. (قلت) لا يغنـي، لأن الأداء يطلق علـى مطلق الفعل، فـيصدق بصوم غير هذه السنة. وعبـارة النهاية: واحتـيج لذكره ــــ أي الأداء ــــ مع هذه السنة، وإن اتـحد مـحترزهما، إذ فرض غير هذه السنة لا يكون إلا قضاء، لأن لفظ الأداء يطلق ويراد به الفعل. اهــــ.وفـي البرماوي: ويسن أن يزيد: إيـماناً واحتساباً لوجه الله الكريـم عزّ وجلّ. اهــــ.

ROMADLONI dipun Waos jer kanthi tanda kasroh, keranten dimudhofaken dateng lafadz saksampunipun nun inggih isim isyaroh (HADZIHI).
Keterangan :
Isim ghoiru munsharif niku mboten  ditanwin lan mboten dikasroh keranten gadah  illat ingkang nyebabaken sifat keisimanipun lemah, langkung cenderung mirip fi'il. Nanging nalikanipun dipun mudhofaken mangka sifat keisimanipun dados kiat, kahingga tanda jeripun dipun wangsulaken dateng kasroh.-

Wonten Kitab Kasyifatussaja kaca 7, dipun jlentrehaken bilih  secara redaksi Wonten ugi pendapat Kalangkung alit ulama' ingkang ngaturaken bilih lafadz Romadlon dipun waos kasroh (ROMADLONI) mangka lafadz hadzihis sanah ugi  dipun Waos kasroh (HADZIHIS SANATI), bilih dipun Waos fathah (ROMADLONA) mangka lafad seksampunipun  ugi  dipun Waos  fathah (HADZIHIS SANATA), statusipun boten pinangka  Dhorof tapi dipun waos Nashob keranten kedadosan Qot'u utawi pegot saking lafadz sakderengipun,  lan miturut pendapat menika bilih lafadz ROMADLON dipun  idlofahaken dateng lafadz sessmpunipun  niku janggal sanget keranten ‘ALAM mboten saged dipun idlofahaken.

(تنبـيه) (قَوْلُهُ : بِإِضَافَةِ رَمَضَانَ) أَيْ لِمَا بَعْدَهُ فَنُونُهُ مَكْسُورَةٌ ؛ لِأَنَّهُ مَخْفُوضٌ وَإِنَّمَا اُحْتِيجَ لِإِضَافَتِهِ إلَى مَا بَعْدَهُ ؛ لِأَنَّ قَطْعَهُ عَنْهَا يُصَيِّرُ هَذِهِ السَّنَةَ مُحْتَمَلًا لِكَوْنِهِ ظَرْفًا لِقَوْلِهِ : أَنْ يَنْوِيَ وَلَا مَعْنَى لَهُ ؛ لِأَنَّ النِّيَّةَ زَمَنُهَا يَسِيرٌ ، وَقَالَ بَعْضُهُمْ : إنْ جَرَرْت رَمَضَانَ بِالْكَسْرِ جَرَرْت السَّنَةَ وَإِنْ جَرَرْته بِالْفَتْحِ نَصَبْت السَّنَةَ وَحِينَئِذٍ فَنَصْبُهَا عَلَى الْقَطْعِ ، وَعَلَيْهِ فَفِي إضَافَةِ رَمَضَانَ إلَى مَا بَعْدَهُ نَظَرٌ ؛ لِأَنَّ الْعَلَمَ لَا يُضَافُ فَلْيُتَأَمَّلْ ا هـ

Ingkang langkung salah Malih  redaksi niat ingkang katah sak tdngshing  masyarakat niku :

نَوَيْتُ صَوْمَ غَدٍ عَنْ أَدَاءِ فَرْضِ شَهْرِ رَمَضَانَ هَذِهِ السَّنَةِ  لِلّه تَعَالَى
Ing lafadz Romadlon dipun waos ROMADLONA (NA) sawetawis ing lafadz Hadzihis sanah dipun waos HADZIHIS SANATI (TI), Niki secara ilmu gramatika bahasa arab mboten enten aluripun.

Lajeng kados pundi kaliyan hukum puasanipun bilih redaksi niatipun salah ?

Puasanipun tetap SAH  kedadosan kesalahanipun ing waosan harokat ing daklebetipun, selami  ingkang dipun ksrepaken kanhi HADZIHISSANATI menika  wulan Romadlon tahun niki, keranten panggonan  niat niku sak lebetipun manah, kadosta shalat dhuhur kanthi ngucapaken redaksi niat shalat ashar anapon niatipun  ing saklebetipun manah  ananging shalat dhuhur mangka ugi SAH kadosta shalat dhuhur.

Nanging mbok bilih niat dipun ucapaken, mangka kedahipun ampun salah ing ndalem i’robipun

Alfaqier Billah

AGAMA PINANGKA AGEMAN

Perspektif Islam Ngenani Tradisi "Nyekar" utawa Nyadran

   
30  Maret 2022 keleres  29 Sya'ban 1443 H  10:44 Hudabrah Cakebasen

Indonesia dianggep minangka negara ingkang segih kebak ing  budaya lan tradisinipun. Mboten lintu nopo Malih kaget bilih Indonesia menika tansah  den sinrebut minangka negara multikultural kelawan meneka ing macam budaya lan kabudayan ingkang selaras kaliyan karakteristik daerahipun Wonten jagad nuswantara.

Budaya lan tradisi nuduhaken  setunggaling bentuk kekancingan ingkang seiring Wonten gegayutaniun  kekalih  mboten saged dipun pisahaken keranten tradisi niku kiyambak   bagenan utawi panthan  saking budaya. Tradisi saged kawastanan minangkani wujud  khasil pemikiranipun para lebda ingkang ditransformasikaken ing sak lebetipun penggaweyan ingkang dilakokaken  secara terus-menerus.

Kados hal ikhwal budaya ingkang sak lebetipun mengaku  maneka ing warna tradisi ingkang  sumpun dipun anggap minanngka tata cara paten. Miyos tingkah lan lakuning  tradisi kasebat nggadahi  makna ingkang saged dipun aturaken. Budaya, tradisi lan agama mboten wonten bentenipun.

Teng mriki agama ugi kaiket kelawan khasil  pemikiran para  manungsa ingkang sami ing akhiripun Ajeng ndadosaken kepitayan dening para  penganutipun. Agama tantunipun nduweni kompleksitas milai saking jenisipun, aliranipun utawi ajaranipun.

Masyarakat Indonesia nganut kirang langkung 6 agama ingkng mendominasi nggih menika Islam, Hindhu, Budha, Kristen, Katholik lan Kapercayan. Saking nenem  agama kasebat ingkang nggadahi jumlah penganut paling ageng agama Islam.

Ing agama Islam kaperang Wonten hukum ingkang utami nggih niku  Al-Qur'an lan As-Sunnah. Saking kekalih niku  kalawau Wonten pinten pinten  macem kangge acuan ingkang ditujokaken  kangge kita minangka kawulanipun Gusti Allloh Ta'ala, sepados  saged merkoleh panguripan ingkang sae Mangka saking niku wau kita Kedah ngetut mbureni menapa ingkang dipun anjuraken lan nebihi napa ingkang mboten dipun parengaken.

Lajeng nuwuhaken pinten pinten  bentuk kebudayan saking pinten pinten paningal ingkang benten. Minangkani tuladha, tiyang muslim terutami ing tlatah Jawi Indonesia nggadahi kebiasan lan tradisi ziarah kubur Ingkang jangkep kaliyan tradisi nyekar (menehi kembang) ing sak inggilipun makam para punden ahli kubur.

Lan kanthi kedadosan menika  kamangka nuwuhaken pinten pinten pemanggih para ahli utawi masyarakat pinangka pelaku saking tradisi kasebat. Pinten pinten pangrara bilih ihwaal menika  dilampahi  keranten pingin nuduhaken  atur pakurmatan kang pungkas kangge tiyan ingkang sampun tilar Dunya  kanthi cara dedunga bilih saestu ngantos  nglampahi tradisi nyekar. (Nyadhong kanthi kekar) ndunga kang temenanan

Namung, benten ing antawisipun ningali  menawi ihwal menika pinangka lelaku ingkang kaanggep  bid'ah Awit mboten paham Saestu sumberipun kahingga sanget klentu olehipun mbijeni dateng umat muslim.

Wangsul Malih nalika ziarah niku ndugeni papang panggonan ingkang  masyarakat Jawi tengah nggadahi sederek ingkang sampun Sumare tujmuju Dateng  kuburan. Lajeng Maos Surah Yasin lan Tahlil kateraseken nyebar kembang telon arupi mawar, kanthil lan kenanga  niku mung media mengaku sinandi bilih wong ngurip maneka ing warna cobanipun ngagesang mangka kudu tansah kumanthil ing Gustine Awit ujian cobaning Urip tansah Kenang kenang kaya kang lagi ana zaman Saiki wontenipun pageblug arupi COVID 19.

Leres panci nalika mangsa kawiwitan Islam rumiyin Kanjeng Nabi Muhammad SAW minangka panutan umat muslim ndawuhi bilih umat muslim mboten pareng kangge ziarah kubur keranten  biasanipun jenazah-jenazah ingkang diziarahi menika jenazah tiyang kafir kang tansah  nyembah berhala, sertane  dipun khawatiraken wonten kemusyrikan ingkang dipun lampahi  umat muslim kelawan ngucapaken mantra  ingkang mboten wonten ing ajaran Islam.

Dados kesimpulanipun Monggo dalem wangsulaken Dateng ingkang nglampahi lan nggadahi maksud tur ngertos tujuanipun ziyaroh menika...

Njaluk Digugah Sahur
Dening Kang HUDABRAH_CAKEBASEN - Kemis Wage, 23 April 2020 ngepasi. Akhir sasi Sadran 1441 H.
 Mangsan pageblug kaya kiye, sing jere apa apa kudu manut pemerintah, ora olih aring mesjid, traweh jamangah lan ngibadah Liya liyane kudu Nang umah dewekan baen beda Karo puasa puasa tahun mburi kae pancen semringah, siki kayane sepi langka tanda tengere, corong mesjid sing biasane nggugahi Kon pada saur ngesuk kepriweh yah duh mbasa anu kreinan,
Galih wis gede tapi angel banget kon puasa, bocahe mbeler banget. Tapi dina kuwe mbuh bar kenangapa deweke kepengin puasa. “Jebul puasa mburi  inyong ora puasa dewekan, asem isin lah ngesuk inyong arep melu puasalah,” mbatine Galih. Galih wes kelas 8 SMP  sing kepengin puasa mbanjuran  ngomong maring biyunge. “Yung, inyong ngesuk arep melu puasalah,”  Galih ngomong. “Lah kaya kuwe, kuwe jenenge bocah sing sholeh, nek kaya kuwe tah biyunge jan bungah pisan,” Biyunge Galih sing jenenge Mbok  Dinah semaur. “Iya koh yung, isin lah karo batir-batire masa inyong ora puasa dewekan. Mengko saure karo apa yung, njangan sing enak ya..?” Galih Usul. “Ya mengko tek Jangana sing enak, apa koe kepengin tuku lawuh apa nganah, sing penting koe saur banjur melu puasa,” Biyung Dinah semaur. “Kepengine sih mangan jangan mbes-mbes dage tapi sing pedes kayane nggo sahur enak. Aja kelalen mengko inyong digugah sahur ya yung?” Galih ngomong. “Iya mengko tek masakna jangan mbes-mbes dage nggo saur, koe mengko arep digugah jam pira ??”Biyung Dinah takon. “Jan biyunge pancen siplah, enake digugah jam pira ya… hemmm aja keesuken jam 9 baen ya !!” Galih ngomong kaya ora duwe dosa.(*)

Biyung Dinah Karo nggentak  Jam 9 ya nembe rampung traweh, Galih semaur awan kowh, "Biyung Dinah mendelik Galih karo ngudarasa, ngger kaya kue baen grujug banyu paceran sisan, lha Kon kepriwe maning yung, turu Nang mesjid siki ora olih, Nang langgar ya pada baen  Nang ngumah terus kaya kiye sing Adan sapa, sing gugah gugah kenthongan ngubengi desa ana apa ora, sepi mbok Yung ....
Iya iya sing sabar lih, Gusti Agi nyoba Karo koe sepira duwure iman, Galih isih teyeng semaur Iman kakang kelasku ya 170 cm   duwur pancen kae Yung Karo aku.
Biyung Dinah ngelus dada maksude takadmu diukur karo Gusti Pengeran, Kon ngeker, nahan emosimu, mangan turu, di ganti kelawan tadarusan, semakan Qur'an lan Liya liyane sing tujuane koe bisa ngerti sejatine Urip, kiye urung sepiraan mbesuk ngger biyungmu mati sing arep njunjung duwur mendem koto kuwe Kowe lihh ...

Nyuwun ngapunten