MULA BUKANE JENENG KUTALIMAN

 Dening Hudabrah Cakebasen

Mbiyen, ana kadipaten kang manggon Nang sisih kulon  ngidul  Baturraden, kadipaten kasebut udakarane  10 km sekang arah Baturraden,
Kadipaten Kutaliman dipandegani dening Kanjeng  Adipati Anom, konon sang Adipati kesenengane ngingu  Gajah lan Jaran. Kutaliman asale Sekang Tembung lingga kuta sing tegese kota ( bahasa Indonesia) lan Liman tegese Gajah mangka njuran kondang sakindenge daerah Kadipaten terkenale jeneng Kutaliman.
Sang Adipati senengane  buara ngiteri Kadipaten lan mengalas nggolet buron kewan Karo nunggang Gajah utawane Jaran.
Ndoro  Adipati duwe  perewangan sing pegaweyane ngarit nggo ngempani Gajah Karo Jaran mau, arane  Jaka Gemel, dasare isih bocah, pinter, gagah, gede duwur, Dedeg piyadege


Adipati Anom duweni  putri kang ayu, arane Dewi Nawangsih, Dewi Nawangsih nyambung sesrawungan sing raket njuran nganti  duwe katresnan Karo Jaka Gemel.
Saking suwene suwe olih myimpen rasa Tresna sing  ahire Dewi Nawangsih nggarbeni utawane jeneng moncere Meteng sing durung Lelakon ijab, , Kedadeyan mau njuran  di mangerteni dening ramane Kanjeng Adipati Anom, Sang Adipati jengkel,  sedih lan murka,
Ahire Dewi Nawangsih lan Jaka Gemel dirundung Kon  minggat Sekang Kadipaten Kutaliman.
Jalaran wes kebacut kabur ahire deweke mlaku aring arah ngidul  Madan meng ngulont karo muwun,  Merga krasa keselen wes ora kongang anggone tumindak lakune, ahire  Dewi Nawangsih Meksa nerusake mlaku Ning Karo ngesod utawane mbrangkang kanggo pemut mbok ana rejane jaman daerah kene dijenengi Kalikesur,

Dewi Nawangsih sing Agi mbobot, kandutane maju Dina maju Suwe lan Katon gede bar tekan wancine lan  wes tekan  wektune lairan jebul metu kembar Lanang wadon,  mangka papan panggonan kang mentas nggo mvabarake kene bakal tak jenengi  Putra Kekalih, utawane (Kaliputra), deweke ora liren anggone mlaku terus mengulon manjat gunung sing umayan duwur, Akhire deweke bola Bali  tiba  ndeprok (Kethaprok) mangka daerah kene dadi jeneng Depok,

Tekan nduwur bukit, sayang banget anak saklorone tekane Pati lan dikubur Nang bukit Kono sedurunge  nggo makam daerahe ko ana ganda Arum sing nuduhake lamon bocah kembar mau ora duwe dosa utawane salah merga singbkleru tumindak kuwe Rama biyunge, njur nggo pemut papan kene  di jenengi cendana sari, Njuran tekan seprene bukit kasebut dikenale bukit cendana. Sewise deweke mlaku meng ngalor, nemokna papan sing nangbkono mau bisa kanggo ngaso lan wes ngrasakna kesel,  njuran nggawe gubug Karo nandur tetuwuhan kanggo sangu ngaurip, mergacwis ora duweni bekal 

Ngrumangssni Dewi Nawangsih  asale Sekang  kadipaten sing biasa urip kepenak, mangka nalika dumadi ing  sawijine wengi ora pamit bojo Jaka Gemel deweke minggat ninggalna Jaka Gamel  lan anake sing nembe di lairna maning,  sedurunge Lunga deweke mbopong anake Karo ngambungi tangane Jaka Gemel njuran Ngudarasa ngapurane bae kang Jaka Gemel aku wes ora kuwat Nandang panguripan kang sengsara kaya mengkene  papan panggonan Jaka Gamel lan Dewi Nawangsih kene njur diarani Batur Raden, Batur (abdi) Raden (keturunan ningrat).
Merga ditinggal bojone, Jaka Gemel terus depresi ngumbar sumpah, Sapa wonge  sing Agi pacaran antarane nom noman  sing tekan panggonan kene  bakale bubrah sawise  pada Plesiran wisata aring Baturraden bakale nemahi pisah..

Sawijine Dina anak Jaka Gamel lunga dolan dolan  tekan tengahe panggona nanging deweke ngalamunt jalaran Nang kono  papan jurang, seprene nggon Kono diarani Jurangmangu, Sewise udakara suwe  anggone ngelamut ndadekna dewek kelalen Karo dalan baline, 

Tansaya Suwe olihe Nggoleti dalane Bali temekane surupe srengenge Nang puncrite kaonang wah baguse taman kene bakal dadi desa karangmangu, kanggo penget lamon lali dalane bali.

Cuplikan prethelan crita supaya ora ilang