DRENGKI

 DRÊNGKI

Apa baé kang dirungu lan dinulu

Ndadekna gorohé kalbu

Sadhéngah pangrasa ngêbeki nala

Ana wong mèsêm jeré ngécé

Ana wong ngguyu kok ngina jaréné

Diaruh-aruhi sinêngguh nyampuri urusané

Ora diaruh-aruhi kok jaré ora ngrope

Ana wong têtukon panas atiné

Ana wong nyandhang pênganggo mabyor pamèr anggêpé

Samubarang disaruwé.

Sadina-dinane mung imut golèti cara

Nekane mêngko kêtêmu mring kaé kudu ngapa

Prasasat ora maèlu jiwanggané

Tansah kulak warta adol prungu

Golèt pawartan murih bisa nyacat liyan

Ésuk, soré, wêngi lan uga awan

Métani alané liyan tanpa ana kang kliwatan

Anané mung tansah wêdi kasoran

Gêdhé gêgayuhan ning ora nulad kahanan

Wusanané nlisir sekang bêbênêr lan nrabas pranatan.

Sumbang, 15 Nopember 2021

Hudabrah_Cakebasen