Ngabekti

Ora kuwawa

Netra netesake waspa

Keprungu wanodya ngrengkuh biyung sing wus sepuh

Nalika brahala teka

Ora tega ninggalana biyung kang bakal kasampluk panase lahar

Nalika Semeru muntabake murkane

Kenya kang sulistya warna

Ngabekti mring biyung

Nadyan nyawa uncat saka raga

Bebarengan biyung sowan Gusthi

Mugi papan swarga kanggo atmaja ngabekti wong tuwa

Hudabrah Cakebasen 121221