Minggu, 11 Agustus 2024

ESEME WENGI

 ▪ WIS TAU ▪( 2 )

-----------------------------




          Bubar maca unggahan-unggahane para wanitå kang lagi kayungyun tresna mau, tak sruput wedang kopi pait sing kari separo .

Njur tak unggahna drijiku nggeser layar hape .


Nemu unggahan anyar sing mandan  dadi gawe gorehe atiku .

Unggahan sekang Mariyanto , bocah lanang udakara umur ngancik rongpuluhan  .

Priya bagus kang katone uripe adem ayem kalimpahan rejeki kadya banyu mili .

Poto - poto sing srring di unggah,  ana sisihane kang ayu tur kerumat ragane, lan anake e  sing isih cilik-cilik uga lucu- lucu nggemesake .


Saben-saben Mardiyanto  nggawe unggahan , Mardiyanto tansah ngucap syukur lan aweh piweling maring sedulur ratmaya ... amrih urip iki kebek syukur maring sing Kuwasa .

Aja ngeluh lan nggresullah bab urip baen .


Seliyane kuwe uga tansah ngunggah kabungahan keluargå cilike ana ratmaya .

Nalika dolan plesir segara widarapayung , mangan-mangan nang pinggiranevsegara , ngopi nang warung sing mandan  larang wujud cafe .

uga bab kabungahan lan kaberkahan liyane kang nuduhake kamulyaning uripe . 

Alhamdulillah, ora kok serik lan meri ,

ning melu bungah ndeleng kabegjane Mardiyanto sakeluargå,  kanugrahan rejeki kang mbruwah lan ayeme urip .


Nanging welasan tahun kepungkur aku ya Wis Tau kanugrahan urip kaya mangkono uga.

Nalika umur bale wismaku isih durung ganep sepuluh tahun .

Nalika bocah-bocah isih cilik-cilik lan rejeki kaya banyu mili .

Sabendina aku rada anggak ngatonake ayeme uripku .

Saben wektu aweh pitutur-pitutur kanggo kanca-kanca lan sedulur ratmaya , supaya aja mikir bab susahe urip .

Entheng banget anggonku aweh pitutur. Nasehati kaya lyai

Ning aku mandan kelalen... Nekan aku bisa ngomong kaya mengkono merga aku tansah kecukupan sembarange .

Urung ketiban sampur nemahi rodane urip ngepasi muter lan mandheg ana ngisor .

Ing panyawangku , wong-wong kang sambat bab rejeki lan cobaning urip kuwe kalebu wong sing ora ndhuweni rasa syukur .

Aku kelalen nekan aku urung tau nglakoni susah ... nganti sambat maring wong liyan .

We

Njur aku kelingan ature simbah ... Menawane wong umah-umah mono kuwi dadi cobaning bebrayan bakal teka sak telat-telate yen omah-omah wis ngancik sepuluh tahun lumaku .


Emboh di coba bab anak , bojo , tangga,  sedulur , wong tuwa , kanca utawa dicoba bab rejeki nganti penyakit .

Mesti salah siji bakal nampa .

Kaya dene oleh undian kertas kang katulis cobaning dewe-dewe .


Yen wis tiba mangsane  bakale lakon kuwi .... lagi kadeleng sepiro gedene manungsa isa netepi iman , sabar lan sepiro anggone dhuweni rasa syukur marang kahanan urip paringane sung Kuwasa .


Pamujiku ... muga-muga Mardian lan keluargane tansah pinaringan kaberkahane Gusti , aja nganti oleh pacoban kang angluwihi dayane .

Kaya pacoban kang wis tak lakoni ... pacoban urip kang kanggoku kaya sampyukane ombak gede ing segara , lan natapake awakku ing watu karang nganti ajur mumur .


Lan krana kuwi aku oleh piwulang kang banget jeru maknane .

Ngerti teges saktenane saka rasa syukur kang sejatine .

Ora mung pangucap syukur ing lambe .


Lumantar lakon-lakon kang wis tau tak liwati aku nembe ngerti yen wong urip tiba tumitah dadi jalmo manungsa kudu isa njikuk sari-sarining lakon pacoban kang katampa ing urip .

Ora mung mangan turu lan mburu gemebyare donya .

Sekabehe pacoban mesti ana hikmahe .

Lan manungsa kudu isa menepake ati , hikmah apa kang isa di jupuk ... amarga saka anane hikmah kuwi ... isa dadi dalan kanggo ngrubah sing ala .

Isa dadi teken kanggo mbiyak dalaning urip kang kebak eri lan alang-alang .

Mula , sekabehe laku kudu tansah ngati-ngati lan setiti , amrih pikantuk ridho ne Gusti .

*


Ahhh ... ora krasa olehku menthelengi hape wis suwe .

Tak sawang lemah jemes tipak ketiban banyu udan mau bengi wis rada asat .

Wayahe budhal ngarit nggolekne pakan ingon-ingone .


Tak sruput maneh wedang kopi nganti kari ampase .

Njur budhal ngarit sakdurunge banyu udan bali ceblok nelesi bumi .

Amarga ... yen wayah rendheng , udan isa teka tanpa pratanda .

Kayadene lakon urip kang ora bisa di nyana ,

saiki roda kepener muter ana ndhuwur ... ora ngerti kapan tibane mandheg ana ngisor .


Yen Wis Tau nglakoni ... kudune isa njupuk sarine lakon kanggo l lkl lp supaya besok dadi pepadhang MLMe ati lan dadi sangu yen wus wayahe bali .


*

( Nyuwun pangapunten menawi wonten nami tokoh ugi lampah ingkang sami .... oret-oret menika mboten wonten maksud kagem nyindir sinten-sinten , murni namung carios fiktif ... maturnuwun 🙏 )

Tidak ada komentar:

Posting Komentar